Azaro Fundazioa, bere ildo estrategikoetako bat berrikuntza sustatzea izanik, Lea-Artibai eskualdeko enpresak berrikuntzara bideratu daitezen egiten du lan, enpresei aholkularitza zerbitzu zuzen eta pertsonalizatua eskainiz.

Enpresa ugari dira eskualdean, berrikuntza sustatzea saritzen duten diru laguntzetara bideratu ahal izan direnak, Azaro Fundazioaren eskutik. Fundazioak, enpresek dituzten asmo berrietan, gidaritza lana egiten du. Hau da, jarduera berrien garapenean, antolamenduan berrikuntza ezartzeko momentuan, merkaturatzeko modu berriak aztertzean,... enpresei bidea errazten saiatzen da.

Azaro Fundazioak, erakunde publiko zein pribatuekin dituen kolaborazio eta harremanei esker, eskualdeko enpresek era honetako diru laguntza eta programetan parte hartu ahal izatea bideratzen die.